فيتامين Sea

فيتامين Sea  

ايوه أكيد أقصد فيتامين سي، بس بما اننا في الصيف بقي و كلنا دماغنا فالبحر و الرمله و القعده علي الشط فمتفقين ان فيتامين "Sea" كمان مطلوب… و ايه اول حاجه بتيجي فبالنا لما بنقول يا صيف؟ بحر موج رمله و طبعًا شمس و حراره…و ساعات كمان حروق. ايه ده ايه علاقه كل ده بالتغذية مش ده المفروض بلوج عن الصحه و التغذيه ايه اللي دخلنا في البحر و الشمس و الحوارات دي؟!! كمل قرايه للاخر و انت تعرف. خلينا نركز علي الشمس، الشمس مصدر هايل لفيتامين دال ده غير انها بتعزز طاقتنا و بتدفينا و لها فوايد تانيه كتير اوي. طب طالما هي مفيده اوي كده، امال ليه يحذرونا منها دايما ؟! و النصيحه علي طول اننا نحاول نتجنب الشمس علشان ضررها جامد. بس ايه رأيكم بقي لو قلتلكم ان في حاجه تانيه غير انك مجرد تحط واقي شمس تقدر تحميك من الشمس و اشعاعاتها المضره، ايوه بالظبط كده هنا جه دور التغذيه في الموضوع. اول حاجه ممكن تعملها هي انك تتأكد انك تاخد كفايتك من فيتامين سي (سي مش sea ركزوا معايا) و مش بس في كريمات او سيروم البشره بس كمان في أكلك. ده المفروض الاكل يبقي مصدرك الاول قبل اي الكريمات او حتي الsunblock. يلا نخش في التفاصيل…فيتامين سي يعتبر مضادات اكسدة و ده بيحافظ علي البشره ضد اشاعات الشمس المضرة و التلوثات، فيتامين سي كمان بيساعد علي سرعه تجديد الجلد و كل المواصفات دي بتخليه فيتامين رئيسي لصحه البشره خصوصًا في فصل الصيف. تاني عنصر غذائي ضروري تركز عليه في اكلك هو فيتامين E اولا لانه كمان مضاد اكسدة و ثانيًا لانه من الفيتامينات الدهنيه و فيتامين E بالذات مفيد جدًا للجلد و البشره بشكل عام. حتحتاج كمان تضيف اكلات غنيه بالدهون الصحيه زي الomega 3 و الomega 9 و دول وظيفتهم انهم يحافظوا علي مرونه و شد الجلد. حلو جدًا نعمل كده ازاي بقي؟ بسيطه حاول تآكل اطعمه مليانه بفيتامين سي و E، دهون صحيه، و انك تركز انك تشرب ميه كفايه و انك تحافظ علي مستوي الترطيب في جسمك باستمرار.

تاني عنصر غذائي ضروري تركز عليه في اكلك هو فيتامين E اولا لانه كمان مضاد اكسدة و ثانيًا لانه من الفيتامينات الدهنيه و فيتامين E بالذات مفيد جدًا للجلد و البشره بشكل عام. حتحتاج كمان تضيف اكلات غنيه بالدهون الصحيه زي الomega 3 و الomega 9 و دول وظيفتهم انهم يحافظوا علي مرونه و شد الجلد. حلو جدًا نعمل كده ازاي بقي؟ بسيطه حاول تآكل اطعمه مليانه بفيتامين سي و E، دهون صحيه، و انك تركز انك تشرب ميه كفايه و انك تحافظ علي مستوي الترطيب في جسمك باستمرار.

**المصادر الغذائية: ٠ فيتامين سي: كيوي- فراوله -بلو بيري -كيريز- رمان- برتقال- ليمون- جرجير- سبانخ- بنجر- ماتشا ٠فيتامين E: لوز-بندق- صنوبر -بزور عباد الشمس- افوكادو- بروكولي- فلفل احمر- سلامون- مانجو ٠الدهون الصحيه: افوكادو- سلامون- ساردين- زيتون- بيض- جبنه- زبادي- لبن ٠و اخر نقطه هي الميه - اشرب ميه كفايه علي مدار اليوم و علي فكره انت ممكن تآكل الميه كمان في انواع خضار و فاكهه كتير مستوي الميه فيها عاليه جدًا زي الخيار و البطيخ و غيرهم كتير. عايزاكوا تفكروا في المصادر الغذائية دي علي انها الواقي الداخلي من الشمس بتاعكوا و بعديها ممكن نحط sunblock كا واقي خارجي من الشمس و بكده نكون فعلًا حافظنا علي صحه جلدنا بشكل كامل و شامل كل الجوانب. بالتغذية الداخليه مع الوقايه الخارجيه ،دلوقتي تقدر تستمتع بالشمس و الصيف منغير قلق ولا خوف من اضرار الشمس و اشاعاتها.