كلنا عايزين بشره نضره ، ناعمه و خاليه من الحبوب و اي عيوب. بس لاي مدي مستعدين نهلك نفسنا في حوارات التجميل و حقن الفيلر و البوتكس و شفط و نحت و و و…وشك مش مخلوق علشان يتعدل و يتظبط من اول و جديد و خلينا نبقي صرحاء مع بعض الحلول السريعه دي كلها حتي لو بتدي نتيجه سريعه و فوريه بس مش بتحل المشكله من جزورها و المشكله دي بتقع في اطار واحد و هو انك مش متصالح مع شكلك الطبيعي علي ما هو عليه و مش عارف تتقبله! و هوب بقي اول ما تجرب الحقن دي بتتقلب بشكل بطيء لمدمن و بمجرد ان مفعولهم يخلص بتلاقي نفسك بتجري باقصي سرعه علشان تلحق تاخد الجرعه التانيه (او الحقنه الجديده) و هكذا و هكذا بتفضل في دايرة مبتنتهيش ابدا. حلول سريعه بتديك احساس مزيف من الثقه بالنفس و بتبعدك اكتر و اكتر من نفسك الحقيقيه و الاهم انها بتحرمك من الفرصه بالتواصل الحقيقي بينك و بين نفسك و التصالح معاها في كل احوالها. خليني بس اوضح حاجه مهمه جدًا انا مش ضد اننا ناخد بالنا من نفسنا و ندلعها كمان و اننا نعمل روتين للعنايه ببشرتنا او حتي نروح الspa و نعمل ماسكات و facials و كل الحاجات دي بالعكس تمامًا انا مع كده ميليون الميه و بشجعه كمان…ليه انا مع الحاجات دي و الحقن و التجميل لا؟ لان بمنتهي الصراحه العنايه بالبشره هي شكل من اشكال الاهتمام بالنفس و من خلالها بنجدول وقت خاص لنفسنا بشكل يومي (روتين العنايه بالبشره) او اسبوعي او شهري زي الmasks و الfacials او الspa. كل دي فرص لينا اننا نقضي وقت مع نفسنا و نتعود نتواصل معاها بشكل مستمر و دي كلها حاجات بتخلينا نتصالح مع نفسنا اكتر و بالتالي نحبها و نقدرها اكتر مع تتش الدلع و التجميل المقبول اللي مش بيضر بالعكس بيغذي. و احلي حاجه في الموضوع ان العادات دي بتنمي ثقتك في نفسك و مش اي ثقه نوع خاص من الثقه بالنفس..ثقه حقيقيه و نابعه من جواك من النوع اللي ولا ١٠٠ حقنه تقدر تديهولك و الاحلي انك ولا محتاج تتابع في اخذ الجرعات ولا خايف من ان المفعول يروح…و ده بالظبط اللي انا حبيت اعمله من خلال خدمه "التغذيه و البشره" او Nutrify Skin
كتير اوي بنلجأ لاشياء خارجيه نهتم بيها لبشرتنا و بننسي اهم عنصر في الموضوع و هي التغذيه. التغذيه السليمه و الاكل ليهم تأثيره كبير علي صحه جلدنا و بشرتنا بشكل عام. خدمتنا دي حتقولك كل حاجه محتاج تعرفها من عناصر التغذيه المفيده للجلد و مش بس كده لو عايز تعمل روتين مخصوص لنوع بشرتك احنا ممكن ندلكم عليه و فوق ده كله كمان ممكن نديك اختيارات لمنتجات و نساعدك تشتري المنتاجات اللي تنفعك و تفيدك. الصحه الجلديه و التغذيه و الشعر و التغذيه مرتبطين جدًا ببعض و علشان كده انا عملت ال Nutrify Services دي. للتفاصيل عن الخدمه دي و عن بقيت الخدامات اضغط هنا Nutrify Services
