بما ان الValentine’s Day قرب..متهيألي وقت كويس اننا نتكلم علي علاقتنا بنفسنا، بناكل ازاي بنتكلم مع نفسنا ازاي…يا تري المساحه اللي عاملنها لنفسنا دي مخنوقه و مشحونه ولا مريحه و سامحلنا اننا نتنفس و نعرف نتقبل نفسنا بكل حلاتنا بغض النظر وزننا اد ايه او شكل جسمنا عامل ازاي! و دي مشكله كتير مننا بيمر بيها رجاله و ستات و اوقات كمان بتبتدي من سن المراهقه. و علشان نكون صرحا مع بعض انا عارفه انه موضوع حساس و خاص جدا و مش ناس كتير عندها الجرئه تتكلم عنه او حتي تواجهه كا مشكله بيمر بيها.
بس برده ارجع و اقولكوا عاداتنا في الاكل و رؤيتنا لجسمنا و نفسنا مرتبطه جدا بدماغنا و طريقه تفكيرنا. امر بسييط زي انا ازاي بأكل او اهتم بنفسي بشكل عام قادر انه يغيرلي اسلوب حياتي ١٨٠ درجه.
اتعلم تحب نفسك كفايه و اهتم بيها و غذي جسمك و عقلك بطريقه ايجابيه و صحيه. انا اقدر اساعدك في انك تحقق ده، انوي انت بس و خذ القرار و يلا نبدأ سوا نغير او نحسن علاقتك بالاكل و بجسمك
نمي علاقتك بنفسك الاول قبل ما تركز في اي علاقه تانيه!
