تجديدات الربيع

الربيع وصل و معاه كل شعارات الانتعاش و تجديد الطاقه، ال"reset mentality” و ده بنطبقوا في كل حاجه في حياتنا ابتدأ من الديكور لحد هدومنا و دواليبنا. بس ايه رائيكم لو نحول الطاقه دي للمطبخ؟ ده اكتر مكان محتاج نعمله refresh. اول حاجه محتاجين نركز عليها هي التلاجه و دواليب الخزين بتاعتنا، ايه يا تري انواع الاكل اللي عندك جوه؟ -هل تقدر تحضر وجبه صحيه بالمكونات المتاحه عندك دلوقتي؟ -هل انت قادر تميز اذا كان المنتج اللي انت متعود تأكله فعلًا اختيار صحي ولا لا؟ و يا تري في بديل صحي اكتر؟

- ايه انواع الاكل اللي عندك "للنقنقه"؟

-في حاجه منتهيه الصلاحيه؟

دي كده اول مرحله، المرحله التانيه هي انك تفرز و تشوف ايه اللي حتخليه و ايه اللي انت مستعد انك تبدله ببديل احسن لصحتك. المرحله التالته و الاخيره هي انك تشتري اللي نقصك و ده لسببين الاول لانه حيسهل عليك كتير في انك تحضر وجبات صحيه، ببساطه لان كل مكوناتها عندك و السبب التاني هو ان يبقي عندك اختيارات صحيه كا snack .

يلا بينا بقي علي المطبخ و نحط تتش الربيع و ندوس refresh